De
Juan José Romero M-E.
.
.
Mis campos y sierras extremeñas
.
.Recitado en castúo
.Recitado en castúo
MI EXTREMAÚRA.
.
¿Qué tieni mi Extremaúra,
qué tieni la nostra tierra
que se isparan töas las ansias
¡juy!... cuando d’ella t’alejas?...
.
Al palral cuandu estoy lejus
er llantu a mis ojus llega
y tó er rostru me lo moja
lo mesmo que llúvia juera.
.
Los sentíus me se quiebran
haciendo que se estremezan
töas las carnis de mi cuerpu
y la sangri de mis venas
.
Me crugin tos los adentrus
y el arma me se menea
pa hacia arriba y pa hacia abaju
y hasta me queo sin juerzas.
.
Son sus campus, sus encinas,
es er verde de las jesas,
sus cantuesus y madroñas,
la culó de primavera,
sus alcolnoquis y jaras,
las oloris de la tierra
cuando las floris adornan
de amarillo, rojo y fresa,
las orillas de regatus
que entre alcoris se manejan.
.
Es el espinu, el romeru,
que s’arrejuntan y enréan
con er fresno, alíseo y brezu
como si abrazus se dieran.
.
Son las estrellas d’er cielu
cuandu en la nochi lucean
con los brillos d’er diamanti
paiciendu que tiritean.
.
Los venäos que de los montes
s'abajan y pastorean
metíos entre er boscaje
y las encinas mas nuevas.
.
Los sus coloris me paicin
salíus de la paleta
d’er más famosu pintó
que pintó naturaleza.
.
¿Y sus jermosas mujeris
con sus linajes de jembras
mezcla d’ encina y de rosa?...
Si te quierin te se entregan
con er corazón, con su arma,
con töa su pasión y juerza,
llenándot’er cuenco de savia
de la mejó… de la güena.
.
Los recuerdus de su historia,
adentru me jormiguean
y me jablan de aventuras
de gentis que en timpus jueran
valerosus conquistaores
de otras gentis y otras tierras
amasandu pa la Pátria
gloria, poer y grandeza
y pa la nuestra Extremaúra
una jartá de nobleza.
.
To esto tié mi Extremaúra…
y mil joras yo estuviera
sin contál apenas ná,
palrando y palrando d’ella.
.
Juan José Romero M-E.
.
.
¿Qué tieni mi Extremaúra,
qué tieni la nostra tierra
que se isparan töas las ansias
¡juy!... cuando d’ella t’alejas?...
.
Al palral cuandu estoy lejus
er llantu a mis ojus llega
y tó er rostru me lo moja
lo mesmo que llúvia juera.
.
Los sentíus me se quiebran
haciendo que se estremezan
töas las carnis de mi cuerpu
y la sangri de mis venas
.
Me crugin tos los adentrus
y el arma me se menea
pa hacia arriba y pa hacia abaju
y hasta me queo sin juerzas.
.
Son sus campus, sus encinas,
es er verde de las jesas,
sus cantuesus y madroñas,
la culó de primavera,
sus alcolnoquis y jaras,
las oloris de la tierra
cuando las floris adornan
de amarillo, rojo y fresa,
las orillas de regatus
que entre alcoris se manejan.
.
Es el espinu, el romeru,
que s’arrejuntan y enréan
con er fresno, alíseo y brezu
como si abrazus se dieran.
.
Son las estrellas d’er cielu
cuandu en la nochi lucean
con los brillos d’er diamanti
paiciendu que tiritean.
.
Los venäos que de los montes
s'abajan y pastorean
metíos entre er boscaje
y las encinas mas nuevas.
.
Los sus coloris me paicin
salíus de la paleta
d’er más famosu pintó
que pintó naturaleza.
.
¿Y sus jermosas mujeris
con sus linajes de jembras
mezcla d’ encina y de rosa?...
Si te quierin te se entregan
con er corazón, con su arma,
con töa su pasión y juerza,
llenándot’er cuenco de savia
de la mejó… de la güena.
.
Los recuerdus de su historia,
adentru me jormiguean
y me jablan de aventuras
de gentis que en timpus jueran
valerosus conquistaores
de otras gentis y otras tierras
amasandu pa la Pátria
gloria, poer y grandeza
y pa la nuestra Extremaúra
una jartá de nobleza.
.
To esto tié mi Extremaúra…
y mil joras yo estuviera
sin contál apenas ná,
palrando y palrando d’ella.
.
Juan José Romero M-E.
.
.JPG)
.JPG)
